Best Punjabi - Hindi Love Poems, Sad Poems, Shayari and English Status
Teriyaa yaada || yaad shayari
ਚੜਦੇ ਸੂਰਜ ਵਾਂਗਰ ਤੇਰੀਆਂ ਯਾਦਾਂ ਸਿਰ ਤੇ ਆਣ ਚੜੀਆਂ,
ਕਫਨ ਉਡਦਾ ਮੇਰੇ ਬੁੱਤ ਉਤੋਂ, ਨਾ ਤਣੀਆਂ ਖੁੱਲਣ ਕੱਸੀਆ ਨੇ ਬੜੀਆਂ,
ਇਹ ਜਿਸਮ ਤਾਂ ਖਾਕ ਵਿੱਚ ਰੁਲ ਜਾਣਾ, ਅਸੀਂ ਆਇਤਾਂ ਰੂਹਾਂ ਦੀਆਂ ਪੜ੍ਹੀਆਂ,
ਤੇਰੇ ਬਾਝੋਂ ਕੋਈ ਦਿਸਦਾ ਨਈ ਜਿਵੇਂ ਭਰਿੰਡ ਅੱਖਾਂ ਤੇ ਹੋਣ ਲੜੀਆਂ,
ਮੈਨੂੰ ਆਉਂਦੇ ਜਾਂਦੇ ਆਵਾਜ਼ ਦੇਵਣ, ਤੇਰੀਆਂ ਯਾਦਾਂ ਮੌੜਾਂ ਤੇ ਖੜੀਆਂ,
ਨਾ ਮੈਂ ਛੱਡਦਾ, ਨਾ ਇਹ ਛੱਡਣ, ਮੈਂ ਢੀਠ ਤੇ ਜਿੱਦ ਤਤੇ ਇਹ ਅੜੀਆਂ,
ਜਦੋਂ ਛੱਡਦਾ ਤੇ ਮੈਨੂੰ ਇਝ ਦਿਸਦਾ, ਜਿਵੇਂ ਖਾਲੀ ਪਿੰਡ ਦੀਆਂ ਥੜੀਆਂ,
ਜੇ ਤੂੰ ਛੱਡਦਾ ਤੇ ਇੰਝ ਲਗਦਾ, ਕਿਸੇ ਆਸ਼ਕ ਦੀਆਂ ਚਿੱਠੀਆਂ ਹੋਣ ਸੜੀਆਂ,
ਤੇਰੀ ਯਾਦ “ਰਮਨ” ਦਾ ਸਰਮਾਇਆ ਏ , ਇਹ ਵੀ ਨਾਲ ਜਾਊ ਮੇਰੇ ਵਿੱਚ ਮੜ੍ਹੀਆਂ .
Title: Teriyaa yaada || yaad shayari
Hanere ton bina || punjabi poetry
ਸਜਾਵਾਂ
ਸਜਾਵਾਂ ਕਾਟ ਰਹੇ ਹਾਂ
ਇੰਜ ਲਗਦਾ ਐ ਤੇਰੇ ਬਿਨਾ
ਚਾਨਣੇ ਤੋਂ ਡਰ ਲਗਦਾ ਐ
ਜੇ ਹੁਣ ਰਹਿੰਦਾ ਹਾਂ ਹਨੇਰੇ ਤੋਂ ਬਿਨਾਂ
ਹੁਣ ਮੈਂ ਇੰਜ਼ ਹੀ ਠੀਕ ਹਾਂ
ਮੈਂ ਏਹ ਇਸ਼ਕ ਪਿੰਜਰੇ ਤੋਂ ਨਿਕਲਣਾ ਨਹੀਂ ਚਾਹੁੰਦਾ
ਜੇ ਏਹ ਸਜਾਵਾਂ ਇਸ਼ਕ ਕਰਕੇ ਦਿੱਤੀ ਐਂ ਮੈਨੂੰ
ਤਾਂ ਏਹ ਵਧਾ ਦਿੱਤੀ ਜਾਵੇ ਮੈਂ ਇਹਦੇ ਤੋਂ ਬਚਣਾ ਨੀ ਚਾਹੁੰਦਾ
ਨਾ ਮੂਲ ਕੋਈ ਚੁਕਾਂ ਸਕਦਾ ਐ ਏਹ ਇਸ਼ਕ ਮੇਰੇ ਦਾ ਤੇਰੇ ਤੋਂ ਬਿਨਾਂ
ਤੇਰੇ ਛੱਡਣ ਤੋਂ ਬਾਅਦ ਸ਼ਾਹਰਾਹ ਨਹੀਂ ਮਿਲਿਆ ਕੋਈ ਹਨੇਰੇ ਤੋਂ ਬਿਨਾਂ
ਲ਼ੋਕ ਕਹਿੰਦੇ ਨੇ ਕਿ ਤੂੰ ਬੇਵਫਾ ਨਿਕਲਿਆ
ਮੈਨੂੰ ਐਹ ਗਲ਼ ਲੋਕਾਂ ਦੀ ਠੀਕ ਨਹੀਂ ਲਗਦੀ
ਭਰੋਸਾ ਹੈ ਤੇਰੇ ਤੇ ਤੂੰ ਵਾਪਸ ਜ਼ਰੂਰ ਆਏਗਾ
ਏਣਾ ਤੜਫਾਉਣਾ ਪਰ ਐਹ ਗਲ਼ ਤੇਰੀ ਮੈਨੂੰ ਠੀਕ ਨਹੀਂ ਲਗਦੀ
ਕੁਝ ਠੀਕ ਨਹੀਂ ਹੋ ਸਕਦਾ ਤੇਰੇ ਤੋਂ ਬਿਨਾਂ
ਤੇਰੇ ਛੱਡਣ ਤੋਂ ਬਾਅਦ ਸ਼ਾਹਰਾਹ ਨਹੀਂ ਮਿਲਿਆ ਕੋਈ ਹਨੇਰੇ ਤੋਂ ਬਿਨਾਂ
—ਗੁਰੂ ਗਾਬਾ